المساعد الشخصي الرقمي


مشاهدة النسخة كاملة : ياللي تدور للوفاء من جنابي!!


ورود الهدا
22-03-2013, 03:14 PM
...

الله يعلم ويش أنا عندك اليوم
ياللي تدور للوفاء من جنابي

أن كان في خاطرك من يمنا لوم
ابشر وأنا للطيب مفتوح بابي

ولا سار جوك ما صفى ممتلي غيوم
لا تفقد الحكمه ودرب الصوابي

لا تشري اللي باع لا ترخص السوم
واشري صدوق الوعد حلو الخطابي

وانا لك الصادق وأنا فزعة القوم
ما خنت عهدي واضح في جوابي

اشعب ركابي وارتقي فوق واحوم
واشوم عن درب الردى والسبابي

صقراً تعلى ما هوى خنعة البوم
لا فز يرقى جاريات السحابي

قاسي حنون القلب حراً وزيزوم
ما ألد للي في الخفاء قد حكابي

وأن كان ودك للصفا سم مخدوم
ليش الجفا والود ليله سرابي

هذي حقيقه من هواوي ومحروم
محروم من عذب اللما اللي غدابي

يحكم ويامر ويصدر الصك مرسوم
وإله العتب مثله يمون لعتابي

هو غايتي هو منتهى كل مضيوم
مضيوم من نحس الحسود الغرابي

ياليت لو تعمل على عاشقك زوم
ياللي تدور للوفاء من جنابي

..

بقلم (ورود الهدا)

نور الشموع
23-03-2013, 01:51 AM
صح لسانك

يستاهل من كانت له القصيده ..

مندوب عتيبه
07-04-2013, 11:07 AM
صح لساانك مبدعه