المساعد الشخصي الرقمي


مشاهدة النسخة كاملة : قصيدة موجهه لسمو الوزير معاناة محضر المختبر


شاعر تعب
07-01-2015, 07:34 PM
قصيدة موجهه لسمو الوزير

معاناة محضر المختبر

مابين هم المختبر والتعاميم
ومابين هم المستوى والدراسه
ومابين هم البند والحاق ترسيم
وضياع خدمه دون حق وقياسه
افنيت عمري بالتعلي بلاميم
الحلم مات وعاش بالموت ياسه
ابن الوطن واعامل معامل مقيم
صبرت لين الصبر صار انتكاسه
اطالب بحقي ولاخذت مليم
غير التجاهل لعنبوها سياسه
وزارة التعليم للعلم تحطيم
من خاينٍ شكله يدور رياسه
يابن الوطن لا تعين للظلم والظيم
وتصاحب الخاين وتلبس لباسه
فيك الامل معقود والحق تحكيم
هذي بلادك وانت للعدل ساسه
ياخالد الفيصل مطاياك لاتهيم
نظف وزارتنا وسج العساسه
تلقى العدو من يلجم الحق تلجيم
متربعٍ في مكتبة قص ساسه
وحاسب جميع اللي يبي للوطن ضيم
خل العدو عبره لربعه وناسه
وتلمس الحاجه للاشراف بالقيم
واعلن لهم دعمك بجد وحماسه
انصف جنود العلم يامير وتقيم
علمٍ شموخه من شموخ القداسه
صمم على حل المعاناه تصميم
اعجل قبل لايطيح بالراس فاسه
وعن حقنا مافيه سينٍ ولاجيم
الحق واضح مايبيله فراسه
المستوى والبند واكمال تعليم
امانة معاك الحق لايطيح باسه
والامر للرحمن سلمه تسليم
ومن وكل الرحمن مرفوع راسه

حمد الرشيدي

هذة القصيدة ملك لكل محضر مختبر
حتى لو يحطها بإسمه اهم شئ تاصل
ارجو تصميمها كصورة ونشرها في جميع
برامج التواصل والصحف والقنوات
واتمنى من له القدرة على شيلتها يشيلها

السعودي
07-01-2015, 08:28 PM
أونعم فيك ووفقك الله ونسئل الله بأن يقراها صاحبنا قبل العذال الفهيد والدندني وغيرهم

شاعر تعب
07-01-2015, 08:31 PM
ماعليك زود
الله يوفقنا جميع

ولاضاع حق وراه مطالب

اسولي حياتي
07-01-2015, 09:00 PM
صح لسانك

شاعر تعب
07-01-2015, 09:02 PM
صح بدنك

صدى المرقاب
07-01-2015, 09:07 PM
كفو ياحمد وصح الله لسانك . وباذن الله القصيده راح ياصل صداها .... واتشرفت بمتابعتك في تويتر ياحمد

صدى المرقاب

سلمان السبيعي

شاعر تعب
07-01-2015, 09:09 PM
كفوك الطيب وماعليك الزود والشرفي لي طال عمرك
والله يسمع منك

هيدروكلوريك
07-01-2015, 10:07 PM
كلمات خارجه من القلب الله ينفع بها وتوصل للمسؤولين😣😔😔😔

العرضيه
07-01-2015, 10:34 PM
بيض الله وجهك على هاذي القصيده
اشهد بالله ياكلامك اانه في محله

شاعر تعب
07-01-2015, 10:50 PM
بيض الله وجيهكم جميعاً

وهذا واجبنا الله لايهينكم

محضرة خطيره
07-01-2015, 11:14 PM
صح لسانك قصيدة رائعة
و نتمنى أن تصل ..

شاعر تعب
07-01-2015, 11:31 PM
صح بدنك

وبتكاتفنا وتوفيق الله راح تاصل

هم يريدون احباطنا وسكوتنا وهذا مالاحظته في هذا المنتدى

لا يامعشر الزملاء لابد ان نكون اقوى من اول ونتصدى لهم

لا للاحباط لا للضعف كل شئ بيد الله
ويد الله مع الجماعة لا تأئسون ولاتقنطوا من رحمة الله
نريد ترتيب صفوفنا واستعراض قوتنا

الحبيب في الله
08-01-2015, 12:28 AM
بيض الله وجهك

شاعر تعب
08-01-2015, 12:30 AM
ووجهك

محيضر
08-01-2015, 12:10 PM
بيض الله وجهك
صح الله لسانك،،

شاعر تعب
08-01-2015, 12:28 PM
ووجهك لاهنت

وصح بدنك

محمد الخولي
08-01-2015, 04:09 PM
وجهة نظر
ان محضري المختبرات بحاجة الى قصائد ودواووين لشد الهمم
لا اعلم كل في فلكه وكل مشغول في نفسه
اين طرح الافكار والمبادرات
اين أنتم
لما كل هذا التخدير
ولك الف بوسة لمنتدنا اللى مع نفسه واكبرمخدر لنا
حسبنا الله ونعم الوكيل في الوزارة وكل من خدرنا ومرت السنين .
شكرا لك على القصيدة

ابواسر
08-01-2015, 04:25 PM
صح لسانك

شاعر تعب
09-01-2015, 12:34 AM
صح الله بدنكم جميع

ومشكورين على المرور والتفاعل