المساعد الشخصي الرقمي


مشاهدة النسخة كاملة : هو مادرى انّا دون شك(ن) ولا ريب :: هاماتنا من فـوق متـن السحابـه


خالد الشعلان
05-11-2016, 02:52 PM
خل الطلايب لا عوى الذيب للذيـب

لا صار مالـك نـاب مثـل الذيابـه

الحـر مـا يفـرس بليـا مخاليـب

والماقف الغصّـاب يبغـى صلابـه

للمرجلـه دار و قـرار ومعازيـب

ولوجيه اهلها عنـد اهلهـا مهابـه

احد(ن) رقا فيها طـوال المراقيـب

حتى زهـا تـاج المراجـل جنابـه

في ساعه الشـده يسـد المطاليـب

لا دوّر اعـذاره ولا صـك بـابـه

والا انت جيتك يـاردي المجاذيـب

وصديت صدت من غدابـه صوابـه

لا تعرف الواجب ولا تعرف العيـب

وانشهد ان بعض المواقـف معابـه

اثْر الضعيف ضعيف ماله مكاسيـب

واهـل الخيابـه ماتكـب الخيـابـه

ماينطح الماجوب هيب(ن) ولد هيب

خبل(ن) يخيّب هقوة اللـي هقابـه

حتى ولو يكثـر عليـك التراحيـب

لاكبرت القـالات بـان الـردا بـه

الخافيـه يعلـم بهـا عالـم الغيـب

الفعـل يفـرق والوجيـه اتشابـه

واللي عن الواجب لقى درب تجنيب

النقص يكفي عن حضـوره غيابـه

عفن الرجال اللي يحوش العذاريـب

لا وقفة(ن) تذكـر ولامـن رحابـه

حتيش لو يملى شعر راسه الشيـب

لاصار ماطال الفخـر فـي شبابـه

خلـه ولا تكثـر عليـه المطاليـب

مسكيـن والمسكيـن مـا ينتخابـه

هو مادرى ان الوقت مثل الدواليـب

وان الزمن له وقفـة(ن) وانقلابـه

هو مادرى انّا نجزي الطيب بالطيب

ووقـت الشدايـد شرنـا يندعابـه

هو مادرى انّا لا دعتنـا المواجيـب

نـزوم زومـات الفخـر والنجابـه

هو مادرى انّا دون شك(ن) ولا ريب

هاماتنا من فـوق متـن السحابـه

عاداتنـا لا غثربـن المشـاريـب

نارد على عد(ن) قراح(ن) شرابـه

اقولها والرزق مـن عالـم الغيـب

الواحـد اللـي مايخيـب الرجابـه



الشاعر جابر سعيد المري

محضر خارق
06-11-2016, 10:35 AM
والمطلوب

خالد الشعلان
06-11-2016, 02:06 PM
والمطلوب
الشاعر جابر سعيد المري