المساعد الشخصي الرقمي


مشاهدة النسخة كاملة : سبحان من كمل وصوفك وصورك : : وخلا مجالي يندمج في مجالك !!


خالد الشعلان
19-03-2017, 12:11 AM
القلب قلبك .. والمشاعر مشاعرك
اجرح وعذب يا حبيبي حلالك..

,
غالي ولوتخطي على القلب عاذرك
سو الذي يرضيك واللي في بالك !!
,
خابرني ميت في غرامك.. وخابرك
تموت في حب التملك .. وانا لك !!
,
ان كنت صاحي مع خيالك اسامرك
وان نمت في حلمي يجيني خيالك!!
,

يعني على كيفك وذوقك وخاطرك
اجيك انا كلي ... وكلي فدالك!!

،
اموت في غيضك وعقدة نواظرك
واموت في صدك واموت بوصالك
,

واموت في همسك ليا جيت احاورك
وفي دهشتك .. لاقلت ادور بدالك!!
,
واموت لاشع الضيا بأجمل صورك
واغيب معها .. وألتهي في جمالك!!
,

وتقول وش رايك؟ واقرب واشاورك
انت الله اعلم وش نهاية دلالك ..؟!
,
ياأني بموت وبندفن في محاجرك
او يمكن أحيا وانهبل في هبالك!!
،

وتضحك وتفرج بالسعاده سرايرك
وانا على ضحكة شفايفك.. هااالك!
,
ذوبتني مابين ملحك . . وسكرك
واهديتني قلبك..وروحك..وحالك!!

,
سبحان من كمل وصوفك وصورك
وخلا مجالي يندمج في مجالك !!