المساعد الشخصي الرقمي


مشاهدة النسخة كاملة : وين هاك الونين اللي يشق الصدور :: وين هاك الدموع اللي تشق الصفا


خالد الشعلان
20-03-2017, 09:06 AM
لو يبور الملا مااحسب حبيبي يبور
و احسب اني اموت ولا يموت الوفا
و احسب انه على هاك المودة غيور
مااحسب ان الشعاع اللي بقلبه طفا
ღ ღ
كيف يا نور عيني و انت للعين نور
يختفي نور وصلك في ظلام الجفا
أثر قلبك على فرقا الولايف جسور
واثر طرفك إذا سهْرت عيوني غفا
ღ ღ
وين هاك الونين اللي يشق الصدور
وين هاك الدموع اللي تشق الصفا
كل حيٍ إلى دارت لياله .... يدور
و كل قلبٍ إلى عفّت عروقه عفا
ღ ღ
ويل قلبٍ توالت فوق قلبه كسور
كنْ جرح الهوى ياصاحبي ماكفا
ألتمس لك عذر لو كان ما انت امْعذور
و ان جحدت المودة بان لك ما خفا