المساعد الشخصي الرقمي


مشاهدة النسخة كاملة : ظهور العتيبي و جراءة عدوان طريق الى التكملة ان شاءالله


الناطق
26-02-2018, 12:38 AM
الشكر للجميع واخص كل من اهتم في ايصال مطلبنا



استاذ عدوان الغامدي لك شكري وتقديري على ما تقدمه من مجهود في مجال فضيتنا
وحوارك الجري في برنامج ياهلا

الحبيب في الله
26-02-2018, 09:12 AM
والله ماقصرو بيض الله وجهم والله يسهل الامور

باذن الله نحصل اجابة

بس كلام المتحدث الرسمي جاف

ورده يوحي فيه لجان وكلام فاضي اي لجان اعرف انها تصريفه

لكن لابد من زيارة الوزير نفسه وشرح الوضع له

منيف خالد
26-02-2018, 12:47 PM
لايأس مع الإصرار

الشمري
26-02-2018, 01:42 PM
بارك الله فيكم جميعآ والاخ احمد العتيبي ماقصر بيض الله وجهه كلام المتحدث الرسمي فيه الكثير من الغموض وعدم الوضوح مع الاسف والشكر والتقدير للاخ عدوان الغامدي على ما تكلم به ونقول له شكرآ

منيف خالد
26-02-2018, 11:07 PM
يااخوان اللجنه احتمال تجتمع هذا الاسبوع لابد من متابعه

الشمري
27-02-2018, 06:36 PM
الشباب ماقصرو وخصوصآ العتيبي طلع على ذا القنوات والمتحدث الرسمي رد عليه نقول ان شاءالله خير .

صادق الوعد
09-03-2018, 02:27 AM
اثابهم الله عنا خير الجزاء واعانهم واعاننا واصلح الحال

الفجر الصادق
10-03-2018, 06:05 PM
من يتابع مع وزارة التعليم ويشوف فيه تحرك حقيقي الموضوعنا

ابو علاوووي
13-03-2018, 08:13 AM
الله ييسر

اللهم بشرنا بما يسرنا ياحي ياقيوم

لويس عطية الله
19-03-2018, 12:40 AM
هل احد يعرف حساب احمد العتيبي في تويتر او اي من مواقع التواصل الاجتماعي

نجود البلوي
14-04-2018, 04:42 PM
بالفعل كان لقاء جريء جدآ وماقصر أبومتعب كلامه كان بالصميم ومن غير مُجاملات

شُكرآ لـ أ\العتيبي وقناة روتانا الخليجيه بارك الله فيهم جميعآ

فواز
16-04-2018, 08:43 AM
انتهى حلم البكالوريوس وكنت متوقع رد الوزارة بالرفض الاخوة الزملاء وعلى راسهم العزيز الغالي احمد العتيبي كان لهم مراجعة للوزارة وتم تبليغهم بالرفض وحجتهم ان محضر المختبر عمله مساند للمعلم ودرجة الدبلوم هي المستحقة الله يعوضنا خير وكم كنت ان يكون اهتمامنا على موضوع مستوانا المستحق في النظام لكن لله الامر من قبل ومن بعد والف شكر للاخوان الي تابعوا القضية من اولها الى اخرها وبالذات الاستاذ عبدالله الحرير.

صادق الوعد
17-04-2018, 10:00 AM
وش ذَا التخبط
موافقة الإكمال ورفض اللجنةالمنعقده ومد وجزر وبعد سنين ومعاملات أخذت العمر معاها
وبكل بساطة لا نستحق إكمال تعليمنا بحجة انت مساند لمعلم العلوم يكفيك الدبلوم ??
المسأله ان من حقي وحق الجميع إكمال تعليمهم وان بقيت مساند لمعلم العلوم
ان أوقفك من تطوير نفسك واكمال تعليمك فيه الكثير الكثير الكثير من الاحباط .. وعدم العدل

الحبيب في الله
18-04-2018, 12:28 AM
طيب ياجماعة الخير كيف اكمل دارسة برا السعودية علي حسابي اخذ اجازة بدون راتب وأجيب شهادة

فواز
18-04-2018, 09:12 AM
تاخذ اجازة بدون راتب لمدة سنة وتجدد كل سنة اهم شي تاخذ موافقة من جهة عملك عشان التحسين بعدين وموافقة من التعليم العالي للجامعة الي بتدرس فيها عشان الشهادة تعتمد والله يعينك الشغلة معقدة اذا تقدر تستغني عن راتبك وتكمل الله يقويك

منيف خالد
23-04-2018, 09:01 AM
بالنسبه للتكميل يقولون باقي اجتماع خاص بهم ثم القرار النهائي

لويس عطية الله
03-05-2018, 01:13 AM
وش صار على الاجتماع يا اخوي منيف ؟؟

صادق الوعد
04-05-2018, 11:46 AM
والله اللجان كثرت والتصاريح كثرت
واحنا ضايعين بالطوشه ..؟ سنين وسنين

ربي ييسر الحال ،،

منيف خالد
04-05-2018, 10:31 PM
اللجنه يبي من يشغلهم اخذا ماصدر قبل رمضان شي
خلاص صارت حبيسة الادارج
نبي واحد من أهل الرياض يمرهم الابتعاث عند واحد يقاله البدر

لويس عطية الله
08-05-2018, 03:40 PM
وش صار على اللجان المشكلة ؟

سمعنا انه تم الموافقة بعد تدخل احد المسؤولين في الوزارة

الزيرو
27-05-2018, 06:26 AM
وش صار على اللجان المشكلة ؟

سمعنا انه تم الموافقة بعد تدخل احد المسؤولين في الوزارة

السلام عليكم
متأكد من هذا الخبر

نجود البلوي
10-06-2018, 07:56 AM
وش صار على اللجان المشكلة ؟

سمعنا انه تم الموافقة بعد تدخل احد المسؤولين في الوزارة

الله كريم ياليت لو فيه تصريح أكيد يتم التأكيد لهالخبر

عوض
12-06-2018, 12:29 AM
الله كريم ادعوا الله ان ييسر الامر

لويس عطية الله
04-07-2018, 01:30 AM
اخر الاخبار



تم الموافقة على التكميل...... وباقي فقط الاعلان الرسمي واحتمال يكون في شهر 11 ويكون التكميل للطلاب فقط ويكون التفريغ 5٪ فقط كل ترم


وان شاء الله كلنا راح نكمل ..... طبعاً المعلومة هذه من احمد العتيبي و الحارثي بعد الحاح مني