المساعد الشخصي الرقمي


مشاهدة النسخة كاملة : وش أسوي مع هالمراهقين ؟


البحور الفريده
16-10-2010, 11:53 PM
السلام عليكم ورحمة الله وبركاته
أبي فزعتكم يامدرسي المرحلة الإبتدائية وخصوصا المعلمين منكم....
أنا انقبلت في مدرسة أهلية هذا الترم على أساس إني راح أكون محضرة مختبر ولكن فوجئت بأنهم ألزموني بالإضافة لكوني محضرة أدرس بنين صفوف دنيا.... وقلت ماعليه صغار وبقدر عليهم إن شاء الله ولكن الصدمة إن طلابي مايحسبولي أي حساب لأنهم يشوفوني أصغر معلمة تدرسهم لأن المعلمات اللي يدرسونهم معاي كبيرات بالسن ... وخذوا من أنواع التطنيش والإستهتار من الأولاد.... أنا ما أنكر إنه عندي طلاب شاطرين بس ينعدون ع الأصابع...
وأنا والله تعبت منهم.. إن جيت بالطيب مانفع.. وإن جيت بالعين الحمرا بعد مانفع...
على الرغم من إني حببتهم فيني بكل اللي أقدر عليه...
للعلم الأولاد حيل يحبوني ويدورون علي إذا انشغلت عنهم بس وقت الدرس لا حياة لمن تنادي....
قولولي وش أسوي مع الأولاد...
أنا أدرس بنات بالإضافة للأولاد بس يازين البنات .مجرد ماأقولهم أنا زعلانه منكم تعالوا شوفوا أنواع الإعتذار.. اللي تتأسف ... واللي تجيبلي هدية.. واللي تجي تغنيلي عشان أرضى... واللي تبوسني.. واللي تشيل دفاتري عني. واللي واللي واللي........إلخ

أما الأولاد أعوذ بالله من غضب الله..
آخرتها اليوم أقولهم أنا زعلانه منكم وماراح أدرسكم...يرد علي طالب بكل هدوء ( أحسن ومين قالك إني أبغاك تدرسينا).. وربي خنقتني العبره وماتحملت أبدا..
لا هذا غير إني مجرد ماأدخل الفصل عندهم يبدأ التدقيق عندهم وكأني داخله عند شباب مو أطفال...
اللي يقول بلوزتك حلوه اليوم بس لو أخذتي لون ثاني تطلع أحلى.. واللي يقول شعرك اليوم أحلى من أمس.. واللي يقول شكلك حلو مثل ماما..لا واللي جنبه يتهاوش معاه ويقوله المعلمة تشبه أمي أنا مو أمك... وخذوا من هالنقاشات اللي ماتنتهي حتى لو أنتهت الحصة...

تكفـــــــــــــــــــــــــــــون دلوني وش أسوي مع هالمراهقين؟؟؟؟:mpr9_23:

عضو مميز
17-10-2010, 12:22 AM
الله يعينك ,,

هذي ترجع لشخصيتك وتعاملك معهم ... يعني انتي تحلين مشكلتك بنفسك ...

بعدين انتي صف كم تدرسين ؟

من كلامك شكلهم كبار طلابك ...

نجود البلوي
17-10-2010, 12:31 AM
البحــــــور الفريدة....عزيزتي أول شي تسوينه إنقلي الطالب الي تحسينه هادي ومايجي منه جنب الطالب الي يناقش ويتكلم كثيرر بحيث إنك من طريقة نقلهم تقدرين تسيطرين عليهم...

ثــــــــانيآ آ تعاملي معاهم بلغة الجسد يعني نظراتك ووقفتك وطريقة تسكيتك لهم ....وياليت تتطلعين ع كتب تختص بالتربيه الخاصه....صدقيني بتستفيدين ومثل ماقلت تعاملي معاهم بلغة عيوونك ويدك ...

وغيري لهم جو الدرس جيبي أشياء تجذب الأطفال عن طريق تشغيلك السبوره الإكترونيه مع الإضاءه والأمثله الخاصه بالإدراك والتفكيــــــــــــــرر...

هاذي رؤس أقلام وحبيت أفيدك

حمض شقي
17-10-2010, 02:03 AM
والله كلانا تعبانين بس مراهقة الصغار ارحم من مرهقة الكبار

صدى المرقاب
17-10-2010, 11:08 AM
من وجهت نظري لازم تضحين بطالب على الاقل ههههههههه ( يعني تخميه بخماس من يدك )

وراح تنتشر السالفه بالمدرسه وراح يحسبون لك احساب( هذي طريقه تقليديه للمدرسين الاوليين)

سَخــاءْ ~
17-10-2010, 04:45 PM
مرور سريع ....
وبعيداً عن إبداء الرأي حول هذا القرار الذي يحمل من السلبيات الشيء الكثير !

الله يكون بعونك إختي
صدقيني العود من أول ركزه ، كانت نصيحة مشرفتي وما ندمت على تطبيقها
بديتي معهم بلين وهذي هي النتيجة
وبما إنك تدرسين أولاد أنا أشوف إن أسلوب التعامل مع الطالبات ما يجدي معهم أبد
كوني حازمة معهم ، شدة بدون عنف ولا حاجة للصراخ والصوت العالي لأنك بتتعبين بالأخير

لي عودة إن شاء الله برد آخر

البحور الفريده
17-10-2010, 09:31 PM
الله يعينك ,,

هذي ترجع لشخصيتك وتعاملك معهم ... يعني انتي تحلين مشكلتك بنفسك ...

بعدين انتي صف كم تدرسين ؟

من كلامك شكلهم كبار طلابك ...



الله وكيلك أدرس أولى وثاني إبتدائي :mpr9_07:

البحور الفريده
17-10-2010, 09:39 PM
البحــــــور الفريدة....عزيزتي أول شي تسوينه إنقلي الطالب الي تحسينه هادي ومايجي منه جنب الطالب الي يناقش ويتكلم كثيرر بحيث إنك من طريقة نقلهم تقدرين تسيطرين عليهم...

ثــــــــانيآ آ تعاملي معاهم بلغة الجسد يعني نظراتك ووقفتك وطريقة تسكيتك لهم ....وياليت تتطلعين ع كتب تختص بالتربيه الخاصه....صدقيني بتستفيدين ومثل ماقلت تعاملي معاهم بلغة عيوونك ويدك ...

وغيري لهم جو الدرس جيبي أشياء تجذب الأطفال عن طريق تشغيلك السبوره الإكترونيه مع الإضاءه والأمثله الخاصه بالإدراك والتفكيــــــــــــــرر...

هاذي رؤس أقلام وحبيت أفيدك



أقدر تفاعلك معاي يالغــــــــالية
وتسلملي أناملك وفديت آرائك بعد... وراح آخذ كلامك إن شاء الله بعين الإعتبار وإن شاء الله خير...:mpr9_16:

البحور الفريده
17-10-2010, 09:48 PM
والله كلانا تعبانين بس مراهقة الصغار ارحم من مرهقة الكبار


شــــــاكره مرورك العطر يا حمض شقي....

البحور الفريده
17-10-2010, 10:01 PM
من وجهت نظري لازم تضحين بطالب على الاقل ههههههههه ( يعني تخميه بخماس من يدك )

وراح تنتشر السالفه بالمدرسه وراح يحسبون لك احساب( هذي طريقه تقليديه للمدرسين الاوليين)



الله يعطيك العافية

البحور الفريده
17-10-2010, 10:22 PM
مرور سريع ....
وبعيداً عن إبداء الرأي حول هذا القرار الذي يحمل من السلبيات الشيء الكثير !

الله يكون بعونك إختي
صدقيني العود من أول ركزه ، كانت نصيحة مشرفتي وما ندمت على تطبيقها
بديتي معهم بلين وهذي هي النتيجة
وبما إنك تدرسين أولاد أنا أشوف إن أسلوب التعامل مع الطالبات ما يجدي معهم أبد
كوني حازمة معهم ، شدة بدون عنف ولا حاجة للصراخ والصوت العالي لأنك بتتعبين بالأخير

لي عودة إن شاء الله برد آخر




فديــــــــــــتك والله.... وصادقه أنا بديت معهم بلين وبالذات طلاب أولى... لأني خفت يكرهوني ويكرهون المادة.. ومثلك عارفه نفسيات أولى إبتدائي...:mpr9_15:
راح أنتظر ردك يالغالية

الجازية
17-10-2010, 11:52 PM
اختي ترى كل الامور هذي عادية وتصير لا نهم يعبرون بفطرتهم وطفولتهم وبرائتهم وكلاً مهم تري بريء .

لانهم لو مو ابرياء ما كان عبرو لك بديهيا ،،،اصبري عليهم كثير

واجهنا هذي الا شياء من البنات والله ، لكن كوني حازمة معهم وقولي الحين عندنا درس ونبي نستفيد واذا خلصنا راح نسولف مع بعض .

واتجاهلي بعض كلماتهم كانك مو سامعة شي وراح تشوفي النتيجة

الساهر
18-10-2010, 06:44 PM
هلا بك اختي البحور الفريده
ماهو طبيعه عملك في العقد الي وقعتيه معهم ؟؟
اذا كان محضره مختبر اتركي التدريس واذهبي للمختبر لان معروفات المدرسات والمديره انواع الاستغلال
اما اذاكان تدريس الله يعينك بس اهم شي حاولي لا تعطينهم وجه زياد امسكيلك حد الطلاب واجلديه

البحور الفريده
19-10-2010, 12:38 AM
هلا بك اختي البحور الفريده
ماهو طبيعه عملك في العقد الي وقعتيه معهم ؟؟
اذا كان محضره مختبر اتركي التدريس واذهبي للمختبر لان معروفات المدرسات والمديره انواع الاستغلال
اما اذاكان تدريس الله يعينك بس اهم شي حاولي لا تعطينهم وجه زياد امسكيلك حد الطلاب واجلديه


حيـــــــــاك يالســــاهر
عقدي معلمة ومحضرة....وإذا عالإستغلال .. وش أسوي الكل عارف إن هذي سياسة المدارس الأهلية وأنا أبي الخبرة....:mpr9_35:

ابو علاووي
19-10-2010, 02:27 PM
البحور الفريدة
لابد لك أختي الكريمة أن تفرضي شخصيتك بين طلابك
وخذيهم بالكلام الحلو والجميل والنصائح المفيدة
صحيح صغار لكن علميهم الإحترام وسولفي معهم مو شرط تأدي مادتك
طلعيهم من هذا الروتين لكي يستانسوا منك ويحبووووك

وبعدين لازم تضعين لهم حد في حكاية إنهم يتكلموا على ملابسك ويعلقوا
عليكي ،لابد أن تكون لك شخصية صارمة في هذا الشئ لأنه ماينفع كل مرة
يجلسوا يتكلموا في شخصياتك وإنتي تضحكي
إستعملي معاهم مبدأ القوة والعين الحمراء
وراح تلقين نتيجة

والله يعينك ويوفقك!


وتقبلي مروري

البحور الفريده
19-10-2010, 08:45 PM
البحور الفريدة
لابد لك أختي الكريمة أن تفرضي شخصيتك بين طلابك
وخذيهم بالكلام الحلو والجميل والنصائح المفيدة
صحيح صغار لكن علميهم الإحترام وسولفي معهم مو شرط تأدي مادتك
طلعيهم من هذا الروتين لكي يستانسوا منك ويحبووووك

وبعدين لازم تضعين لهم حد في حكاية إنهم يتكلموا على ملابسك ويعلقوا
عليكي ،لابد أن تكون لك شخصية صارمة في هذا الشئ لأنه ماينفع كل مرة
يجلسوا يتكلموا في شخصياتك وإنتي تضحكي
إستعملي معاهم مبدأ القوة والعين الحمراء
وراح تلقين نتيجة

والله يعينك ويوفقك!


وتقبلي مروري



أشكر مرورك العطر ياعاشق التجارب..بس صدقني أستخدمت معهم الطيب والقوة والعين الحمرا...
ومن ناحية التعليق والله إني أسوي حالي ماسمعت شي عشان مايتمادون...بس أولاد ماينفع معاهم...
المصيبة إنهم يحبووووووووووووووووووني بس مايسمعون كلامي...لكن بحاول مره ثانيه وإن شاء الله خير ...
دعواتك:msn-wink:

الساهر
19-10-2010, 09:19 PM
تسلميي والله يعينك بس ترا هذا بدايه التدريس لازم الواحد يمر بالمرحله ذا وبعدين يتعودون الطلاب عليك بس اهم شي لا تعطينهم وجه زياده

البحور الفريده
19-10-2010, 09:23 PM
تسلميي والله يعينك بس ترا هذا بدايه التدريس لازم الواحد يمر بالمرحله ذا وبعدين يتعودون الطلاب عليك بس اهم شي لا تعطينهم وجه زياده



اللـــــــه يعين يالساهر
والله الموضوع راجع لراحة البال .... وربي بيعيني عليهم إن شاء الله

الساهر
19-10-2010, 09:25 PM
الله يوفقك انشاء الله

الهُـــــدى
19-10-2010, 10:43 PM
أي رد لايخدم الموضوع سيتم حذفه

سَخــاءْ ~
25-10-2010, 07:37 PM
.
.
اختي البحور
أرجو المعذرة ، نسيت موضوعك تماماً : (
لا أدري هل لازلت بحاجة لضبط سلوك طلابك ، أم أن الأمر الآن على ما يرام وهذا ما أتمناه وأرجوه ..



حاولت أن أسطر لك بعض ما أتبعته شخصياً وشاهدت أثره على الطالبات ..

1- ضعي قوانين للصف ، وكوني صارمة في تطبيقها بحيث لا يستهين الطلاب بها و بك أيضاً .
بإمكانك - وهذا ما أحبه وأفضله دائماً - إضافة صور تعبر عن كل قانون لأن الصور أكثر رسوخاً في ذهن الطفل من العبارات المكتوبة وتكون هذه القوانين في مكان بارز وواضح للطلاب جميعاً .
2- عززي السلوك الايجابي مباشرة ، حتى لا يصاب الطالب المُجدّ والمنضبط بالاحباط .
وبالمقابل عاقبي من يخالف القوانين بعاقبة متفق عليها من الطرفين .
4- فعّلي التعلم النشط في الصف ، بمعنى أن الطالب يتحول من متلقي للمعلومة إلى باحث عنها ، ويشارك المعلم في عملية التعلم .
6- افهمي خصائص طلابك وطباعهم وأوكلي إليهم مهام تشغلهم طوال الحصة حتى ما يشغلونك أنتِ !
7- تجاهلي وتغافلي عن - بعض العبارات - التي يلقيها الطلاب لأنها في الغالب تكون لـ لفت انتباهك .
8- ثقي ثقة تامة أن المعلمة دائمة الصراخ والعتاب ترهق نفسها إضافة لذلك أن الطلاب يعتادون على ذلك ، فلا تستخدمي هذا الاسلوب إلا في أشد الحالات وستجدين أثره عليهم .

وأنصحك بالاطلاع على مختصر لكتاب رائع - 100 فكرة لإدارة سلوك الطلاب والطالبات -
بالاضافة لعدد من الصور بامكانك اقتصاصها واضافتها للقوانين الصفية

يسّر الله أمرك وأعانك

بحور العنا
25-10-2010, 07:47 PM
أشكر لك حسن المرور وروعة إرشاداتك يالغالية...
سأعمل بنصيحتك...وأما من ناحية أوضاعي فبدأت ألاحظ هدوء الطلاب وتحمسهم للدرس بعد أن عملت ينصائح الأخوة/ات الذين أفادوني في هذا الموضوع...

وفاء الغامدي
28-10-2010, 04:57 PM
تدرين ان تدريس الصفوف الدنيا بالخارج هم داكاتره وبروفيسورات الجامعات ؟؟
يعني سؤال دائم توجهه اللجنه في المقابله الشخصيه وهو
اذا درست المرحلة الابتدائيه ايش تسوي ؟
انواع الردود والتلبك
كان عند بنت اختي بروفسوره سعوديه عجوووز تدرسها اولى ابتدائي قابلتها وسمعتها ترد على هذا السؤال ببساااطه قالت :
انزل لمستواهم
كنا ندخل عليها وهي عجوز حضريه واقفه فوق الطاوله ومره تمشي على الاربع في الارض ومره تخبت وصارو الطالبات يدوورونها سئلتها ليش تسوي كذا قالت لازم يحسون ان انا في مستوى تفكيرهم ورغبتهم في الشغب والمشاكسه والتفكير وكمان كل شي ادرسهم هو اوصفه صوت وحركه يعني امشي الله يكرمكم مثل الحيوانات وابِين الفرق والكرامه وهذا مبدا الشي المسموع المحسوس المريء بأنه يثبت في مخ الطالب وينبهر بتصرفي فهو يلتزم الهدوء حتى انتهي من حركاتي اشغلهم بالنظر ليا يعني شكله ياعزيزتي علم كبيرر نحنا اغلبنا نجهله قالك حطوا في الابتدائي معاهد معلمات مع احترامي لهن او كل واحد تقديره ضعيف والامتياز في الثانوي ونسيوا العلم في الصغر كالنقش في الحجر
لاتنسي انتي متحمله اماانه عظيمة اي حركة منك حتى طريقة ردك عالجوال او الطالب تبقى في نفسه الى الابد:clapping: وفقك الله واعانك ماعاد عندنا اطفال النت والسوني كبرت مداركهم ترا يبغونك مثل جون سينا اولي او جيل وشيا والا سوي لهم كراش باش طامري:clap:

بحور العنا
28-10-2010, 11:36 PM
اللــــــــــــــــه يعطيك العافية يالغالية
وربي إنك صادقه لي أسبوع تقريبا وأنا جالسه أجرب معاهم هالطريقة وملاحظه كثير إني شديت إنتباههم للدرس وصاروا يدورون علي بين الحصص ويطلبون مني أجي وأعطيهم درس جديد...وتصدقين هالطريقة طلعت مني بالصدفة وبدون ماأقصد...وفجأه لقيت الطلاب سكتوا وركزوا علي وبدأوا يسألوني :: وبعدين ؟ ووش صار؟؟ وليه؟؟ ولما أنتهت الحصة زعلوا كثير وماهدأوا إلا لما وعدتهم إن الدروس الجاية راح تكون بنفس الطريقة إذا تأدبوا وصاروا عاقلين...

أشكر من كل قلبي كل من تفاعل معاي في هذا المنتدى الراقي وأدلى برأيه في سبيل معاونتي والوقوف بجانبي... جعله الله في موازين أعمالكم جميعا